ჩვენი გუნდი

...

სოფო გელავა

მედიალაბის ხელმძღვანელი

სოფო ატლანტიკური საბჭოს ციფრული კვლევების ლაბორატორიის მკვლევარია, ასევე არის საქართველოს ინფორმაციული სანდოობის პროგრამის დეზინფორმაციის მკვლევარი. სოფო საქართველოს უნივერსიტეტში ფაქტების გადამოწმებისა და ვერიფიკაციის ტექნიკებსა და დეზინფორმაციის ანალიზს ასწავლის.

...

ცირა გვასალია

მოწვეული ლექტორი, მედიალაბის მენტორი

ცირა გვასალიას აქვს ჟურნალისტიკაში მუშაობის 12-წლიანი გამოცდილება. სხვადასხვა დროს, ის თანამშომლობდა ქართულ და საერთაშორისო ბეჭდურ და ონლაინ გამოცემებთან, სადაც აშუქებდა გარემოსდაცვით და ჯანდაცვის საკითხებს. მას აქვს სახელმწიფო უწყებებიდან შესაბამისი მონაცემების გამოთხოვნისა და დამუშავების, ასევე ადამიანური ისტორიების [long read] წერის გამოცდილება. 2018 წელს დააარსა დამოუკიდებელი პლატფორმა "კაქტუსი," რომელიც COVID-19 პანდემიის დროს აქტიურად აშუქებდა COVID-19 ინფექციასთან დაკავშირებულ გლობალურ და ლოკალურ მნიშვნელოვან მოვლენებს. მანამდე "კაქტუსს" უმუშავია ძუძუს კიბოს პაციენტ ქალთა უფლებრივ მდგომარეობაზე და ე.წ. კლუბური ნარკოტიკების გავლენაზე ადამიანის ჯანმრთელობაზე.

...

ნინო ბაქრაძე

მედიალაბის მენტორი

ნინო ბაქრაძე გამომძიებელ ჟურნალისტთა გაერთიანება “აი, ფაქტის” დამფუძნებელია. 2014 წელს მიიღო ჟურნალისტის მაგისტრის დიპლომი საქართველოს საზოგადოებრივ საქმეთა ინსტიტუტში (GIPA). ბაქრაძეს აქვს 12-წლიანი ჟურნალისტური საქმიანობის გამოცდილება, აქედან 8 წელია მუშაობს საგამოძიებო მასალებზე. მუშაობდა „პანამისა“ და „პანდორას დოკუმენტების“ საერთაშორისო პროექტზე. თანამშრომლობს ქართულ და უცხოურ მედიებთან (OCCRP, Eurasianet, Radio Liberty, ინდიგო, Al Jazeera English). საქართველოს საზოგადოებრივ საქმეთა ინსტიტუტის საბაკალავრო და სამაგისტრო პროგრამებზე კითხულობს ლექციას მონაცემთა ჟურნალისტიკაში. 

...

ანტონ ვაჭარაძე

მოწვეული ლექტორი

ანტონ ვაჭარაძე ხელმძღვანელობს მეხსიერების და დეზინფორმაციის კვლევების მიმართულებას ინფორმაციის თავისუფლების განვითარების ინსტიტუტში (IDFI). 2009 წლიდან მუშაობდა საქართველოს ეროვნულ არქივში. 2012-2017 წლებში ეკავა საისტორიო ცენტრალური არქივის დირექტორის თანამდებობა.  არის რამდენიმე სტატიის ავტორი მეხსიერების და ისტორიის მიმართულებით. მისი რედაქტორობით გამოიცა სამეცნიერო-პოპულარული ნაშრომი. 2021 წლიდან საქართველოს უნივერსიტეტში უძღვება სალექციო კურსს - "არქივები, მედია და ფაქტები" - რომელიც მიზნად ისახავს არაისტორიკოსი მკვლევრებისთვის საარქივო წყაროებთან მუშაობის სწავლებას.

...

რევაზ თოფურია

მოწვეული ლექტორი

რევაზ თოფურია უძღვება პოლიტიკური იდეოლოგიების, ჰიბრიდული ომის, დაზვერვის და დეზინფორმაციის სასწავლო კურსებს. რევაზმა წარჩინებით დაამთავრა თბილისის თავისუფალი უნივერსიტეტი, მოიპოვა რა ბაკალავრის დიპლომი საერთაშორისო ურთიერთობებში შორეული აღმოსავლეთის სპეციალიზაციით. ასევე სწავლობდა ჩინეთში, ლანჭოუს უნივერსიტეტში. მაგისტრის ხარისხი კი რევაზს დაზვერვის, უსაფრთხოებისა და სტრატეგიული კვლევების მიმართულებით მიენიჭა გლაზგოს უნივერსიტეტისგან (დიდი ბრიტანეთი), დუბლინის უნივერსიტეტისგან (ირლანდია) და ჩარლზის უნივერსიტეტისაგან (ჩეხეთი). მას გააჩნია საჯარო და არასამთავრობო სექტორებში მუშაობის საკმაოდ მდიდარი გამოცდილება. რევაზი არის რამდენიმე აკადემიური ნაშრომისა და პოლიტიკური იდეოლოგიების შესახებ წიგნის ავტორი.

...

ანა დაბრუნდაშვილი

მოწვეული ლექტორი, მედიალაბის მენტორი

ანა არის საქართველოს უნივერსიტეტის მოწვეული ლექტორი და მიჰყავს კურსი მონაცემთა ჟურნალისტიკაში. სხვადასხვა პერიოდში ანა თანამშრომლობდა არასამთავრობო და საერთაშორისო ორგანიზაციებთან, მათ შორის, გაეროს განვითარების პროგრამასთან (UNDP), საერთაშორისო გამჭვირვალობა - საქართველოსთან და კავკასიის კვლევითი რესურსების ცენტრთან(CRRC). ის მუშაობდა როგორც პროექტების მართვის, ასევე კვლევების მიმართულებით. ამჟამად ანა არის ომისა და მშვიდობის გაშუქების ინსტიტუტის (IWPR) პროექტის მენეჯერი.

...

ნინო გოზალიშვილი

მოწვეული ლექტორი

ნინო მეცნიერებათა სადოქტორო კანდიდატია ნაციონალიზმის კვლევებისა  და შედარებითი ისტორიის ერთობლივ სადოქტორო პროგრამაზე ცენტრალური ევროპის უნივერსიტეტში (CEU). 2019 წლიდან ნინო CEU-ს ლექტორი და სასწავლო ასისტენტი, ხოლო საქართველოს უნივერსიტეტსა და თავისუფალ უნივერსიტეტებში მოწვეული ლექტორია. ამჟამად ნინო ინფორმაციის თავისუფლების განვითარების ინსტიტუტის მკვლევარია. ნინოს პუბლიკაციები შეეხება საქართველოს საბჭოთა ისტორიას, მემარჯვენე პოპულიზმის, დემოკრატიზაციისა და დეზინფორმაციის საკითხებს, ისევე როგორც რბილი ძალის პოლიტიკას საქართველოსთან მიმართებაში. 

...

სალომე უგულავა

მოწვეული ლექტორი, მედიალაბის მენტორი

სალომე უგულავა - ტელეკომპანია “ფორმულას” ციფრული დეპარტამენტის მთავარი რედაქტორი, ასევე გადაცემა “მრგვალი მაგიდის” წამყვანი. 5 წელია, ასწავლის ქართულ უნივერსიტეტებში. აქვს კოლუმბიის უნივერსიტეტის მაგისტრის ხარისხი საგამოძიებო ჟურნალისტიკაში. ასევე ილიას უნივერსიტეტის მაგისტრის ხარისხი საჯარო პოლიტიკაში. არის John Smith Fellowship-ის კურსდამთავრებული. გავლილი აქვს პროფესიული განვითარების კურსები ევროპასა და ამერიკის შეერთებულ შტატებში.

...

ანა გვარიშვილი

მედიაპროექტების და ოპერაციების ხელმძღვანელი

ანა მედიალაბორატორიას 2022 წლის ოქტომბერში შემოუერთდა. მანამდე ის ონლაინ-გამოცემა ტაბულას ჟურნალისტი და რედაქტორი იყო. ანას დამთავრებული აქვს პოლიტიკის მეცნიერების მიმართულება თბილისის სახელმწიფო უნივერსიტეტში. არის აშშ-ს სახელმწიფო დეპარტამენტის International Visitors Leadership Program-ის კურსდამთავრებული.

Investigative Media Lab